ՀՀ զինված ուժերի կազմավորման 34-ամյակի կապակցությամբ ՀՀ երկրորդ նախագահ Ռոբերտ Քոչարյանը հրապարակել է ուղերձ, որում նշում է, որ վերջին ութ տարիների ընթացքում կատարվել են բոլոր հնարավոր ջանքերը՝ թուլացնելու, բաժանելու և կոտրելու հայկական բանակը, որը համարվում է տարածաշրջանի ամենամարտունակ և հաղթական զորքը։
Նրա խոսքով՝ քաղաքական ղեկավարության կողմից իր սխալների պատասխանատվությունը բանակի վրա դնելու պրակտիկան ունեցել է ծանր հետևանքներ։ Քոչարյանը նշում է, որ հզոր և մարտունակ բանակը բոլոր պետությունների համար խաղաղության երաշխավորն է, և Հայաստանը չի կարող բացառություն լինել այդ կանոնից։
Նախագահը հավատում է, որ հնարավոր է արագ շրջել առկա իրավիճակը, վերականգնել բանակի ուժն ու ոգին և ապահովել կայուն խաղաղություն։
«Փառք բոլոր զինծառայողներին, ովքեր արժանապատվորեն կրում են հայկական բանակի համազգեստը։ Հավերժական փառք մեր զինվորներին, ովքեր զոհվել են հայրենիքի համար», – եզրափակում է իր ուղերձը Ռոբերտ Քոչարյանը։
