Մոսկվան համոզմունք է հայտնել, որ Եվրոպական միության կողմից Հայաստան ուղարկվող նոր քաղաքացիական առաքելության իրական նպատակը երկրի ներքին գործերին միջամտելն է, ոչ թե պարզապես օգնություն ցուցաբերելը։ Այս մասին ապրիլի 24-ին իր ամենշաբաթյա ճեպազրույցի ժամանակ հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։
Նրա խոսքով՝ ԵՄ-ի գործընկերային առաքելությունը, որը նախատեսվում է ուղարկել երկու տարվա ընթացքում, իրականում ծառայում է որպես լրացուցիչ գործիք Բրյուսելի ձեռքում՝ ազդեցություն գործելու համար հայկական պետական մարմինների և ազգային ինստիտուտների վրա։
«ԵՄ-ն պատրվակ կգտնի՝ պայքարելու ապօրինի ֆինանսական հոսքերի, կիբերհարձակումների և տեղեկատվական մանիպուլյացիաների դեմ, սակայն իրականում նրանց նպատակը քաղաքական ազդեցություն է գործելը», – ընդգծել է Զախարովան՝ կոչ անելով իրերն իրենց անուններով կոչել։
Ռուսաստանի ԱԳՆ ներկայացուցիչը նաև նշել է, որ ԵՄ-ի նման մոտեցումը հատկապես անհանգստություն է առաջացնում՝ հաշվի առնելով, որ այն կատարվում է հունիսի 7-ին Հայաստանում կայանալիք խորհրդարանական ընտրությունների նախօրեին։ Նա հարցնել է, թե ինչու ԵՄ-ն նման առաքելություն ուղարկում է Հայաստան, իսկ ոչ Ուկրաինա, որտեղ ապօրինի ֆինանսական հոսքերի վերահսկումը ավելի ակնհայտ և տրամաբանական խնդիր է։
Զախարովան նաև նշել է, որ նմանատիպ գործընկերային առաքելություն արդեն գործում է Մոլդովայում, և նրա գործունեության արդյունքները բոլորին հայտնի են։
ՌԴ դիվանագետը նաև քննադատել է ԵՄ-ի քաղաքականությունը՝ որպես «արևմտաեվրոպական քաղաքական միտքի դատարկ խոստումներով գործընկերներին ներքաշելու սեփական կոորդինատային համակարգի մեջ»։ Նրա խոսքով՝ ԵՄ-ի նման գործողությունները հակասում են տարածաշրջանային պատասխանատվության սկզբունքին, երբ տարածաշրջանի խնդիրները պետք է լուծվեն հենց այդ երկրների և նրանց հարևանների կողմից։
Մոսկվան համոզված է, որ ԵՄ-ն ձգտում է Հայաստանը վերածել իր ֆորպոստի՝ «միլիտարիզացիայի ուղղի՝ հանուն առասպելական ռուսական սպառնալիքին դիմակայելու»։ Ռուսաստանը կոչ է անում Հայաստանին չթույլ տալ, որ այս առաքելությունը օգտագործվի երկրի ներքին գործերին միջամտելու և այն Արևմուտքի աշխարհաքաղաքական խաղերի մեջ ներքաշելու համար, ինչը, ըստ Մոսկվայի, կհանգեցնի մեր երկրի հետ բարեկամական կապերի քայքայման և Բրյուսելի հակառուսական քաղաքականությանը միանալուն։
