Ուժեղ Հայաստան կուսակցությունից Հայաստանի վարչապետի թեկնածու Սամվել Կարապետյանը հայտարարել է, որ իրենց կուսակցության իշխանության գալուց հետո առաջին օրենքը կլինի ադրբեջանցիների համար հնարավորությունների կանխումը Հայաստանի տարածքում։
Նա նշել է, որ այս քայլի նպատակն է կանխել այնպիսի իրավիճակների առաջացումը, երբ ադրբեջանցիները, օրինակ՝ «սաֆարովների» նման անձինք, կարողանան գնել կամ նվեր ստանալ Հայաստանի տարածքում գտնվող գյուղեր։
Կարապետյանը նաև քննադատել է գործող կառավարության կողմից առաջարկվող սահմանադրական փոփոխությունները՝ պնդելով, որ դրանք հայ հասարակության համար մի շարք «անակնկալներ» են պարունակում։ Նրա խոսքով՝ այս փոփոխությունները կառավարությանը պարտավորեցնում են վաճառել հայկական հողերը ադրբեջանցիներին, ինչի պատճառով նախընտրական քարոզչության ընթացքում չեն բացահայտվում սահմանադրության նախապատրաստվող փոփոխությունները։
