Երկարատև և համառ պայքարից հետո Կարեն և Կարուշ Օվեյանները վերջապես արդարացվել են, դեռևս նախաքննության փուլում։ Այս մասին հայտնել է նրանց փաստաբան Արսեն Բաբայանը։
Ինչպես նա նշել է, թեև եղբայրները երկու ամիս անցկացրել են բանտում, Շիրակի մարզի դատախազությունն ի սկզբանե ընդունել է փաստաբանական կողմի այն հիմնավորումը, որ նրանք որևէ հանցանք չեն գործել։
Հիշեցնելով իրենց հաճախորդների ձերբակալման հանգամանքները, փաստաբանը նշել է, որ Կարեն և Կարուշ Օվեյանները ձերբակալվել էին 2025 թվականի հոկտեմբերի 20-ին՝ Գյումրիի նախկին քաղաքապետ Վարդան Ղուկասյանի ձերբակալման օրը։ Նրանց մեղադրանքը զանգվածային անկարգություններին մասնակցելու և քրեական գործի քննությանը միջամտելու փաստերում էր։
«Այսպիսով, հաստատվեց, որ Կարենը և Կարուշը որևէ հանցանք չեն գործել»,- եզրափակել է փաստաբանը։
