Կադրային փոփոխություններ՝ ՀՀ ՆԳՆ-ում և ոստիկանությունում

ՀՀ ներքին գործերի նախարարության կողմից կատարվել են մի շարք կադրային փոփոխություններ, որոնք հրապարակվել են այսօր՝ փետրվարի 25-ին։

Նախարարի հրամաններով ՀՀ ոստիկանության քրեական ոստիկանության գլխավոր վարչության պետի պաշտոնից ազատվել է ոստիկանության գնդապետ Վարդան Վարդանյանը։ Նույն պաշտոնին նշանակվել է ոստիկանության գնդապետ Արթուր Բարսեղյանը։

ՀՀ ոստիկանության համայնքային ոստիկանության գլխավոր վարչության պետի պաշտոնից ազատվել է ոստիկանության գնդապետ Կարեն Հակոբյանը։ Նրա հրամաններով պարտականությունները կատարելու համար նշանակվել է ոստիկանության գնդապետ Կարեն Խաչատրյանը։

ՀՀ ոստիկանության պարեկային ծառայության պետի պաշտոնից ազատվել է ոստիկանության գնդապետ Արթուր Խուդինյանը։ Նույն պաշտոնին նշանակվել է ոստիկանության փոխգնդապետ Գևորգ Զաքարյանը։

Այլ հրամաններով՝ Վարդան Վարդանյանը նշանակվել է ՀՀ ներքին գործերի նախարարի խորհրդական, Կարեն Հակոբյանը՝ նույնպես նախարարի խորհրդական, իսկ Արթուր Խուդինյանը՝ նախարարի օգնական։