Ապրիլի 27-ին Ընտրական համակարգերի միջազգային հաստատության (IFES) նախագահ և գործադիր տնօրեն Էնթոնի Բանբըրին և IFES-ի հայաստանյան գրասենյակի ներկայացուցիչները հանդիպել են Հայաստանի Հանրապետության Կենտրոնական ընտրական հանձնաժողովի (ԿԸՀ) նախագահ Վահագն Հովակիմյանի հետ։
Հանդիպման ընթացքում երկու կառույցների ներկայացուցիչները քննարկել են երկու կողմերի միջև գործող համագործակցության հարցերը և ընդգծել համատեղ իրականացվող ծրագրերի շարունակականության կարևորությունը։
Հանդիպման օրակարգում նաև ներառված էին առաջիկա համապետական և տեղական ինքնակառավարման մարմինների (ՏԻՄ) ընտրությունների նախապատրաստական աշխատանքները։
Հիշեցնենք, որ Հայաստանում խորհրդարանական ընտրությունները նախատեսված են 2026 թվականի հունիսի 7-ին։
