Հայաստանի վարչապետը ելույթ կունենա Եվրոպական խորհրդարանում

Հայաստանի վարչապետ Նիկոլ Փաշինյանը չորեքշաբթի՝ մայիսի 22-ին, ժամը 12:00-ին ելույթ կունենա Եվրոպական խորհրդարանում։ Այս մասին տեղեկացվել է Եվրոպական միության օրենսդիր և ներկայացուցչական մարմնի կայքում։

Փաշինյանի այս ելույթը կայանա 2026 թվականի հունիսի 7-ին Հայաստանում նախատեսված խորհրդարանական ընտրություններին ընդառաջ։ Ընտրությունները կարևոր դեր կունենան երկրի հետագա զարգացման համար՝ որոշելով ԵՄ-ի հետ հարաբերությունների ուղղությունը և հարևան Ադրբեջանի հետ խաղաղության գործընթացի հեռանկարները։

Հայաստանի կառավարությունը հանձնառու է իրականացնել մի քանի հիմնարար նպատակներ։ Դրանք են՝ Բաքվի հետ կայուն խաղաղության հաստատումը, Թուրքիայի հետ հարաբերությունների կարգավորումը, Արևմուտքի հետ մերձեցումը և ԵՄ-ին հնարավոր ապագա անդամակցությանը նախապատրաստումը։

ԵՄ-ի հետ հարաբերությունների ակտիվացման շրջանակում, ներկայումս ընթանում է Երևանի և Բրյուսելի միջև վիզային ռեժիմի ազատականացման շուրջ բանակցությունների գործընթաց։ Բացի այդ, մայիսի 5-ին նախատեսված է ԵՄ-Հայաստան հատուկ գագաթնաժողովը, որը նպատակ ունի խորհրդրդումներին և համագործակցության ծրագրերին նոր շունչ հաղորդել։

Սա Նիկոլ Փաշինյանի երկրորդ ելույթն է Եվրոպական խորհրդարանում՝ 2023 թվականին կայացած նախորդ այցից հետո։