ՀԱՊԿ-ի երկրները պայմանավորվել են դիտարկել կազմակերպության կանոնադրության համապատասխան հոդվածի կիրառումը Հայաստանի նկատմամբ։ Այս մասին հունիսի 10-ին հայտարարել է Ռուսաստանի արտգործնախարար Սերգեյ Լավրովը՝ Կազանում ընթացող ՀԱՊԿ ԱԳՆԽ նիստի ամփոփիչ մամուլի ասուլիսի ժամանակ։
Լավրովը նշել է, որ Հայաստանը ավելի քան երկու տարի է՝ բոյկոտում է ՀԱՊԿ-ի շրջանակներում անցկացվող միջոցառումները, չնայած պաշտոնապես մնում է դաշինքի լիիրավ անդամ։ Նրա խոսքով՝ միջոցառմանը ներկա է նաև հանրապետության դրոշը, ինչը ցույց է տալիս ձևական անդամակցությունը։
ՌԴ ԱԳ նախարարը նաև անդրադարձել է Հայաստանի վարչապետ Նիկոլ Փաշինյանի քաղաքական դիրքորոշմանը։ Նա հիշեցրել է, որ Փաշինյանը, երբ նոր էր մտնում մեծ քաղաքականություն, իր «Ելք» շարժման նպատակը համարում էր ԽՍՀՄ նախկին երկրների մասնակցությամբ հետխորհրդային տարածքում գոյություն ունեցող բոլոր կառույցներից դուրս գալը։
«Հայաստանի անդամության հարցով հանրաքվեի մասին ոչ ոք չի խոսում, բայց նրանք չեն մասնակցում ՀԱՊԿ-ի աշխատանքին՝ ձևականորեն մնալով դրամ անդամ։ Ավելի քան երկու տարի է, ինչ հայ գործընկերները չեն գալիս միջոցառումներին։ Միաժամանակ, նրանք ակտիվորեն զարգացնում են համագործակցությունը ՆԱՏՕ-ի և ԵՄ հետ, որոնք այժմ վերածվում են ռազմականացված կառույցների», – նշել է Լավրովը՝ ավելացնելով, որ հունիսի 7-ին, Հայաստանում ընտրությունների օրը, իր գործընկեր Արարատ Միրզոյանը պատասխանելով հարցին, թե ինչ են մտածում ՀԱՊԿ-ի մասին, ասել է․ «Մենք մուծումներ չենք վճարում, քանի որ պարզապես չենք մասնակցում»։
ՌԴ ԱԳ նախարարը հստակեցրել է, որ այս իրավիճակը, երբ Հայաստանը պարտք է ՀԱՊԿ-ի բյուջեին, նախատեսված է կազմակերպության կանոնադրությամբ, և այսօր ՀԱՊԿ-ի անդամ երկրները պայմանավորվել են դիտարկել այդ կանոնադրության համապատասխան հոդվածի գործարկումը։
Հիշեցնենք, որ 2022 թվականի վերջից Հայաստանը բոյկոտում է ՀԱՊԿ-ի շրջանակներում անցկացվող միջոցառումները։ 2024 թվականի փետրվարին Նիկոլ Փաշինյանը հայտարարել էր, որ Հայաստանը, գործնականում, սառեցրել է մասնակցությունը ՀԱՊԿ-ին, քանի որ կազմակերպությունը չի կատարել իր պարտավորությունները։ Իսկ սեպտեմբերի 18-ին Հայկական երկրորդ համաշխարհային գագաթնաժողովում Փաշինյանը հայտարարել էր, որ ՀԱՊԿ-ն սպառնալիքներ է ստեղծում Հայաստանի անվտանգության համար։
