Իրանի Իսլամական Հանրապետություն կատարած պաշտոնական այցի ընթացքում ՀՀ պաշտպանության նախարար Սուրեն Պապիկյանը հանդիպել է Իրանի Իսլամական Հանրապետության պաշտպանության և զինված ուժերի աջակցության նախարար, բրիգադի գեներալ Ազիզ Նասիրզադեի հետ։
ՀՀ պաշտպանության նախարարության մամուլի ծառայության տեղեկացմամբ՝ երկու երկրների պաշտպանության նախարարները բարձր են գնահատել հայ-իրանական պաշտպանական համագործակցության ներկայիս մակարդակը։ Նախարարները հայտնել են իրենց վճռականությունը՝ երկկողմ հարաբերությունները և՛ զարգացնելու, և՛ ամրապնդելու համար։
Հանդիպման ընթացքում կողմերը մանրամասն քննարկել են երկու երկրների միջև համագործակցությանը վերաբերող մի շարք հարցեր։ Բացի այդ, նախարարները մտքեր են փոխանակել տարածաշրջանային և միջազգային անվտանգությանը վերաբերող մի շարք հրատապ խնդիրների շուրջ։
