Երևանում և հանրապետության մարզերում սպասվում է եղանակի փոփոխություն

ՀՀ շրջակա միջավայրի նախարարության Հիդրոօդերևութաբանության և մոնիթորինգի կենտրոնի տվյալներով՝ Երևանում դեկտեմբերի 26-ին, 29-ին և 30-ին սպասվում է առանց տեղումների եղանակ։

Դեկտեմբերի 27-ին մայրաքաղաքում սպասվում են տեղումներ, որոնք 27-ին բարձրադիր գոտում, իսկ 28-ին կներկայանան ձյան տեսքով՝ ընդգրկելով ողջ մայրաքաղաքը։

Հանրապետության մարզերում դեկտեմբերի 29-ի գիշերը և 30-ին նույնպես սպասվում է առանց տեղումների եղանակ։

Երևանում և մարզերում տեղումներ են սպասվում դեկտեմբերի 26-ին, 27-ի գիշերը, 29-ի ցերեկն, ինչպես նաև 27-ի կեսօրից հետո և 28-ին՝ շրջանների մեծ մասում։ Տեղումները 27-ին լեռնային և նախալեռնային գոտում, իսկ 28-ին՝ ողջ հանրապետությունում կներկայանան ձյան տեսքով։

Քամին կլինի արևմտյան՝ 2-5 մ/վ արագությամբ։ Դեկտեմբերի 27-ին և 29-30-ին առանձին վայրերում սպասվում է քամու ուժգնացում՝ մինչև 17-20 մ/վ։

Օդի ջերմաստիճանը դեկտեմբերի 28-30-ին աստիճանաբար կնվազի 5-7 աստիճանով։