Դատախազությունում գործարկվեց թեժ գիծ՝ ընտրական գործընթացի խոչընդոտման դեպքերի մասին տեղեկատվություն ստանալու համար

Հայաստանի Հանրապետության գլխավոր դատախազությունը հայտնում է, որ 2026 թվականի հունիսի 7-ին նշանակված Ազգային ժողովի ընտրությունների նախընտրական քարոզչության ընթացքում և ընտրությունների օրը ընտրական գործընթացին խոչընդոտող առերևույթ հանցագործությունների մասին տեղեկատվություն ստանալու նպատակով գործարկվել է թեժ գիծ։

Այս քայլը նպատակ ունի ապահովել հանրության հետ անմիջական հաղորդակցություն, արագ արձագանքել ընտրական գործընթացում ներգրավված անձանց կողմից բարձրացված հրատապ հարցերին և ապահովել ընտրական գործընթացի անվտանգ և անխափան ընթացքը։

Ինչպես հաղորդել

Եթե Ձեր տեսադրությունից կամ ունեցած փաստական տվյալներից բխում է, որ ընտրական գործընթացին խոչընդոտում կա, Դուք կարող եք անմիջապես տեղեկացնել դատախազություն՝ հետևյալ միջոցներով․

Հեռախոսով: (010) 511-527 հեռախոսահամարով։
Էլեկտրոնային փոստով: info@prosecutor.am հասցեին։
Անանուն հաղորդումներ: azdararir.am կայքի միջոցով։

Թեժ գծի աշխատանքային ժամեր

Աշխատանքային օրերին: 09:00-ից մինչև 18:00-ն։
Քվեարկության օրը: 24 ժամ շուրջօրյա ռեժիմով։

ՀՀ գլխավոր դատախազ Աննա Վարդապետյանի հրամանով ստեղծվել է հատուկ աշխատանքային խումբ, որի առջև դրված է խնդիրը ապահովել հաղորդումների արագ և արդյունավետ մշակում, դրանց քննարկման նկատմամբ դատախազական հսկողության բարձրացում և ընդհանուր առմամբ համակարգել դատախազության գործունեությունը այս ոլորտում։