Հակակոռուպցիոն դատարանը մասնակի բավարարել է Դատախազության հայցը՝ վերաբերյալ Անի Սարգսյանի գույքին

Հայաստանի Հանրապետության հակակոռուպցիոն դատարանը 2026 թվականի ապրիլի 21-ին կայացրել է վճիռ, որով մասնակի բավարարել է Դատախազության՝ ապօրինի ծագում ունեցող գույքի բռնագանձման հայցը։

Դատական ակտի համաձայն՝ որպես ապօրինի ծագում ունեցող գույք, հօգուտ Հայաստանի Հանրապետության կբռնագանձվի Լյովա Սարգսյանի դուստր Անի Սարգսյանից։

Բռնագանձման ենթակա են հետևյալ ակտիվները.

«Արենի ՀԷԿ» ՓԲ ընկերության բաժնետոմսեր: 39.341 հատ բաժնետոմս, որոնք պատկանում են Անի Սարգսյանին։ Ընկերությունը զբաղվում է էլեկտրաէներգիայի արտադրությամբ, և դատական նիստերում ներկայացված տվյալների համաձայն՝ ընկերության ընդհանուր շուկայական արժեքը կազմում է մոտավորապես 686 միլիոն դրամ։
Բանկային ավանդներ և տոկոսներ:
760.274 ԱՄՆ դոլար գումարի ավանդ։
Այդ ավանդի նկատմամբ 2021 թվականի ապրիլի 28-ից մինչև վճռի կատարման օրը հաշվարկված տոկոսները՝ որպես ապօրինի ծագում ունեցող գույքից ստացված եկամուտ։
Ավանդից ստացված 103.833 ԱՄՆ դոլար գումարի տոկոսները։
Այդ տոկոսների նկատմամբ 2021 թվականի ապրիլի 28-ից մինչև վճռի կատարման օրը հաշվարկված տոկոսները։
Բանկում առկա 9.774.746 դրամ գումարը։
Այդ գումարի նկատմամբ 2021 թվականի ապրիլի 28-ից մինչև վճռի կատարման օրը հաշվարկված տոկոսները։
Բանկում առկա 425.803 դրամ գումարը։
Այդ գումարի նկատմամբ 2021 թվականի ապրիլի 28-ից մինչև վճռի կատարման օրը հաշվարկված տոկոսները։
Բանկում առկա 4.853 եվրո գումարը։
Այդ գումարի նկատմամբ 2021 թվականի ապրիլի 28-ից մինչև վճռի կատարման օրը հաշվարկված տոկոսները։
Ապօրինի ծագում ունեցող գումար: 643.357 դրամ, որը չի հիմնավորվում անձի օրինական եկամուտներով։

Ընդհանուր առմամբ, բռնագանձման ենթակա է ավանդների և դրանց տոկոսների համախմբի 864.107 ԱՄՆ դոլարը, ինչպես նաև 10.200.549 դրամը և դրա տոկոսները, ինչպես նաև 4.853 եվրոն և դրա տոկոսները։ Բացի այդ, բռնագանձման ենթակա է նաև 2.643.357 դրամը։

ՀՀ գլխավոր դատախազության մամուլի ծառայության տեղեկացմամբ՝ դատական ակտն ուժի մեջ է մտնելուց հետո, վերը նշված ակտիվները կփոխանցվեն Հայաստանի Հանրապետության պետական բյուջե։